LAOAG CITY – Umabot iti 16 a tattao ti natay gapu iti airstrikes ti Israel a timmama iti pagadalan a patpatarayen ti United Nations iti Gaza Strip.
Basar iti report, malaksid kadagiti natay ket dinosdosena a sabsabali pay dagiti nasugatan iti insidente.
Inbatad ti Hamas-run health ministry a ti pasdek ket pagnanaedan ti rinibo a naibakwit a tattao manipod iti Nuseirat refugee camp iti central Gaza.
Inkalintegan ti Israel a naamoan da a sumagmamano nga Hamas “terrorists” ti agop=operar iti structures a masarakan iti paset ti Al-Jaouni School.
Rumrumuar a ti puntirya ti airstrikes nga inpabanto ti Israel ket ti lugar a maipagarop nga us-usaren ti Hamas.
Inpaganetget met ti pannakangiwat ti United Nations agency for Palestinian refugees (Unrwa) a ti napasamak ket seryoso unay a nasken a maimbestigar a naimbag.
