LAOAG CITY – Agarup 16 nga empleyado ti Ilocos Norte Provincial Jail (INPJ) iti dimmalan ti swab test kalpasan a nakapulapol da ni IN-C193 a taga Brgy. Raraburan ditoy siudad ti Laoag.
Segun kenni Major Roxanne Parado, adda pay dagiti sumagmamano a balod ti manamnama a dumalan iti swab test.
Inbatad na a ni IN-C193 ket maysa kadagiti 12 a primary contact ni IN-C187 nga empleyado ti gobierno probinsyal.
Nupay kasta, kunana a dagus a nadeterminar dagiti possible a close contacts dagitoy ken alisto ti aksyon ti lokal a gobierno ditoy siudad.
Iti agdama ket nakaquarantine dagiti empleyado a dimmalan iti swab test iti mismo a quarantine facility a naestablisar iti INPJ.
Kabayatanna, dimmalan met iti swab test dagiti nakapulapol ni IN-C196, residente iti Brgy. Raraburan, maysa a mangisursuro ditoy siudad ken kapamilya met laeng ni IN-C193 pakairamanan dagiti siyam a kapamilya da a nagpositibo met laeng ti COVID19.
