LAOAG CITY – Nakaawat dagiti 1,600 a mannalon iti ili ti Pagudpud kadagiti voucher nga addaan ti pakadagupan nga uppat a milyon a pisos.
Daytoy ket para iti abono manipud iti Department of Agriculture.
Segun kenni Vice Mayor Maja Sales, agdepende iti kalawa ti imanmaniher dagiti mannalon a pagtatalonan ti naited kadakuada a voucher para iti abono.
Innayonna a daytoy ket intervention program para iti dry cropping sipud Setyembre 15, 2021 agingga ita a bulan ti Marso, nga addaan ti innem a bulan a duration.
Napalaos ti panagyaman ti lokal a gobierno iti nasao nga ili ti naited a tulong kadagiti mannalon.
