LAOAG CITY – Umabot iti 1,648 a senior cutizen manipud iti nagduduma a barangay ditoy ciudad ti Laoag ti nakaawat iti pension na para iti umuna a kwarter ita a tawen babaen iti Social Pension Program ti Department of Social Welfare and Development Office.
Daytoy ti inpakaammo ni Mrs. Perlita Cabello, ti mangidadaulo iti City Social Welfare and Development Office ditoy ciudad.
Mainaig iti daytoy, kuna ni Cabello a masapul a maipaayan ti naan-anay a pannakaasikaso dagiti senior citizen.
Inbatad na a daytoy a programa ket maipaay a suporta kadagiti senior citizen ken mangted iti naan-anay a tulong para ti panangtagiben iti salun-at dagitoy.
Kabayatanna, impatalgedna ti panangipaay ti lokal a gobierno iti naan-anay a suporta kadagiti senior citizens.
Naamoan a dagiti benepisyaryo iti nasao a programa ket nakaawat iti tallo a ribo a pisos iti itunggal maysa.
