LAOAG CITY – Naawaten dagiti 17 a munisipalidad ditoy probinsya ti garbage compactor nga inpaay ti gobierno probinsya.
Daytoy ket kabayatan ti Ceremonial Signing and Turn Over Garbage Compactor iti mismo a sango ti kapitolyo probinsyal nga indauloan ni Gobernador Matthew Marcos Manotoc.
Mainaig iti daytoy, kuna ni Manotoc a babaen iti garbage compactor ket ad-adda a mapaglalasin dagiti basura.
Mangnamnama daytoy a matagiben ken mamentenar a naimbag dagiti naipaay kadagiti nagduduma nga ili ditoy probinsya.
Kabayatanna, dagiti nabati nga innem nga ili a saan a nakaawat ti garbage compactor ket immunan a nakaawat ti cash assistance nu sadino a daytoy ti mausar iti pannakaiyestablisar ti sanitary land fill.
