LAOAG CITY – Ipapaarestar ti Korte idiay Thailand ti 17 nga indibidual nga adda ti pakainaiganna iti pannakarpuog ti pasdek kalpasan ti napasamak a gingined idi Marso.
Ti 30 a kadsaaran a pasdek ket naipatakder para iti State Audit Office no sadinno a daytoy ket narpuog idi timmama ti magnitude 7.7 a gingined a narikna met idiay Myanmar.
Ti nasao a panagdayyeg ket nangitunda ti 89 a bangkay manipud iti narpuog a pasdek idinto nga adda pay ti pito a dadduma pay a mapukpukaw.
Naammoan a ti nasao a warrant of arrest ket naiparuk-at iti nangdisenio, nag-construct ken ti supervisor ti tower.
Kabayatanna, maysa kadagiti ipapaarestar ti Korte ket ti negosiante a ni Premchai Karnasuta a dati a Presidente ti Italian-Thai Development a maysa kadagiti kadakkelan a construction firms idiay Thailand.
