LAOAG CITY – Umabot iti 17 nga indibidual ti naipaayan ti permit nga aglako ti paputok ditoy ciudad ti Laoag.
Daytoy ti inbatad ni Miss Mila Ciape, Admin 3 iti Business Permit and Licensing Office ditoy ciudad.
Segun kenkuana, naiget ti panagmonitor da kadagiti aglaklako ti paputok iti baba ti Gilbert Bridge no sadinno nga iti daytoy a gundaway ket saan da pay a nakaipwesto amin ti tagilako da.
Innayon na a dagiti 17 a naipaayan ti permit ket isuda ti dati nga aglaklako ti paputok ditoy ciudad ti Laoag.
