LAOAG CITY – Balligi a naiyuswat ti maikatlo a Red Cross Youth Disaster Risk Reduction & Management Camp 2025 iti Florentino Camaquin Integrated School ditoy ciudad ti Laoag nga addaan iti tema a “Bantayog sa Katatagan at Pagbubuklod sa Layunin ng Kahandaan.
Segun iti Bise mayor ditoy ciudad a Chairman iti Committee on Disaster iti Philippine Red Cross – Ilocos Norte Council, napateg iti pannakaiwayat ti panagsanay dagiti ubbing tapno ammo da ti ar-aramiden da no adda ti sumangbay a didigra.
Inpakaamo na nga adda iti 172 a nakipartisipar iti nasao nga aktibidad ken dagitoy ket naggapo iti nagduduma nga elementary schools ditoy probinsya.
Manipod iti nasao a bilang ket 18 a partisipantes ti aggapo iti San Nicolas Elementary School; 20 participants manipud Ablan Elementary School; 19 participants manipud Shamrock Elementary School; 30 participants manipud Plaridel Elementary School; 18 participants manipud Gabaldon Elementary School; 22 participants manipud Cabeza Elementary School; ken 43 participants manipud iti host school a Florentino Camaquin Integrated School.
Mainaig iti daytoy, kuna ti bise mayor a masapol a saan a liplipatan dagiti naipaadal kadagiti partisipantes tapno maiyaplikar da aniaman nga oras wenno aldaw.
Ti nasao a programa ket inorganisar iti Philippine Red Cross – Ilocos Norte Chapter.
