LAOAG CITY – Mannarimaan ti pannakaselebrar ti 17th Charter Day iti ciudad ti Batac nga idadauluan ni Mayor Albert Chua iti nasao a ciudad.
Idi laeng kalman ket naangay ti opening program para iti selebrasyon no sadinno a nangrugi metten ti Inter-barangay Basketball Tournament, bayat nga ita nga aldaw ket maisayangkat ti “Libreng Gupit” ken “Filipino Grand of Service Excellence Training and Workshop” iti City Hall.
Malaksid iti daytoy ket adda pay naangay a Misa no sadinno a naigiddan ti pannaka-bless dagiti baro a lugan ti ciudad, kas iti ambulansya ken lugan ti City Disaster Risk Reduction and Management Office.
Sinuspenso met ti City Government ti trabaho ita nga aldaw tapno maipaayan ti naan-anay nga oras dagiti nakalinya nga aktibidad.
