LAOAG CITY – Balligi a naisayangkat ti 17th Founding Anniversary ti Port of Aparri iti ili ti Pasuquin.
Segun ken ni Ms. Muscholary Rose Gonzales, Secretary ti CCBI Northern Luzon Chapter ken Presidente ti MRSG Global Solutions, daytoy ket mangipakita ti ad-adda pay a natibker a relasion manipud iti pampubiko ken pribado a sektor tapno maipasigurado ti efficient ken progressive paid customs environment.
Inbatadna a gagem ti Bureau of Customs nga itandudo ti ethical business practices ken naiget a maipatungpal ti customs laws and regulations.
Inlawlawagna a gagem ti Bureau of Customs a labanan ti smuggling ken pannakapapintas ti revenue collection ken ti streamline customs processes a mangpadur-as pay ti ekonomia ditoy pagilian.
Mainaig iti daytoy, nagyaman ni Mr. Julius Imperio, Representative ti Ecology Energy Corporation kadagiti ahensia kas ti Department of Energy ken Bureau of Internal Revenue a katinnulunganda tapno mapasayaat ti Port of Aparri.
Kabayatanna, indanon ti nabara a panangkablaaw ni Commissioner Bienvenido Rubio iti panangselebrar ti 17th Founding Anniversary ti Port of Aparri.
