LAOAG CITY – Kinumpirmaran ni Mr. Dennis Villa, ti mangidadaulo iti Municipal Social Welfare and Development Office iti ili ti San Nicolas nga adda ti 18 a sako ti NFA rice nga stockpile da a nabasa gapu iti napigsa a panagtudtudo na iti kallabes.
Inlawlawag na a ti sigud nga ayan dagiti nasao a bagas ket iti masungad a paset ti munisipyo tapno al-alisto ti pangalaan da gapu ta dagitoy ket nairanta a maited kadagiti ma-lockdown gapu iti covid-19.
Gapu iti daytoy, inbatad ni Villa a kiddawen da iti baro nga administrasyon a maipaayan da koma ti nalawlawa nga opisina tapno isu ti pakaikabilan amin dagiti stockpile da.
