LAOAG CITY – Umabot iti 18 a tattao ti natay iti airstrike ti Israel iti sumagmamano a military sites iti central Syria.
Basar iti Syrian health minister, malaksid kadagiti natay ket adda pay ti 37 a sabsabali a nasugatan iti napasamak a panagatake iti bisinidad ti Masyaf iti probinsya ti Hama.
Naiget met a kinondenar ti Syrian foreign ministry ti napasamak nga ibilang na kas “blatant aggression” idinto nga inawagan ti Iran foreign ministry ti insidente kas “criminal attack”.
Kabayatanna, nagkedked ti Israeli military a nagkomento mainaig iti napasamak.
