LAOAG CITY – Umabot iti 18 a tattao ti natay idinto a lima a sabsabali dagiti nasugatan kalpasa ti napasamak a panagbettak iti illegal a firecracker factory iti western India.
Daytoy ti kinumpirmaran ni government spokesman Rishikesh Patel.
Inpetteng ni Patel nga illegal ti panagop-operar ti paktorya gapu ta awan ti lisensya na.
Iti agdama, agtultuloy ti naiget nga imbestigasyon dagiti otoridad iti nasao nga insidente.
Maipalagip a ti fireworks ket nalatak idiay India, kangrunaan na iti Hindu festival of Diwali, ken kabayatan dagiti wedding celebrations.
Naipagagangayen ti kaadda dagiti agbetbettak a firecracker workshops idiay India gapu ta dagiti agtagikua ket masansan a saan da a sumursurot kadagiti safety requirements.
