LAOAG CITY – Umabot iti 18 a tattao ti natay iti southern Lebanon kalpasan ti nagpatpatnag nga Israeli air strikes.
Inbatad met ti Israeli military nga adda ti uppat a soldado da a natay.
Segun iti Israel Defense Forces (IDF), natamaan da ti 80 a targets da iti Iran-backed armed group Hezbollah ken dinosdosena a miembro da ti pimmusay.
Napasamak daytoy maysa nga aldaw kalpasan a nagpirma ti Estados Unidos ken Iran ti katulagan a gagem na a maileppasen ti tension iti Middle East, pakairamanan ti pannakaisardeng ti rinnupak iti Lebanon.
Naamoan nga agpada ti Israel ken Hezbollah a nangipatungpal kadagiti strikes kontra iti tunggal maysa sipud nairakurak ti nasao a katulagan.
