LAOAG CITY – Inawagan a “joke” ni Senadora Pia Cayetano ti plano ti Philippine Health Insurance Corporation (PhilHealth) nga 18% laeng ti gastosen iti ospital ti baklayen ti state health insurer para kadagiti miembro daytoy iti tawen 2025.
Inbatad ni Cayetano, maisupadi daytoy iti gagem ti Universal Health Care (UHC) Law a mangipaay ti umdas ken nalaka a serbisio iti benneg ti salun-at kadagiti amin a Pilipino iti babaen ti PhilHealth.
Iti naisayangkat nga oral arguments iti Korte Suprema mainaig iti pannakaiyakar ti sobra a pundo ti PhilHealth iti national treasury, inbutaktak ni PhilHealth Senior Vice President Renato Limsiaco, Jr. a target ti PhilHealth a baklayen ti 18% ti gastosen iti ospital ita a 2025 ken manamnama a ngumato daytoy iti 28% inton 2028.
