LAOAG CITY – Adda ti sumurok 18 a milyon a junior high school graduates ditoy Pilipinas ti maibilang a functionally illiterate basar iti 2024 Functional Literacy, Education, and Mass Media Survey (FLEMMS) ti Philippine Statistics Authority (PSA).
Kayatna a saoen, saanda a kabaelan ti umdas a panagbasa, panagsurat, panagbilang ken panangawat.
Gapu iti panangbalbaliw nga inaramid ti Philippine Statistics Authority iti pagtarusan ti “functional literacy,” bimmaba ti bilang ti literate manipud iti 79 a milyon iti 60 a milyon.
Nangipeksa ti panagdanag ni Senador Sherwin Gatchalian no sadinno a sinaludsodna no kasanoda a nakaturpos no saanda a functional literate ken nasken a saan daytoy a mapasamak.
Kinumpirmaran daytoy ni Philippine Statistics Authority Assistant National Statistician Adrian Cerezo.
Segun kenkuana, adda ti 21% kadagiti senior high school graduates ket marigatan met a makaawat.
Ti Region IX ti addaan ti kangatoan a bilang ti functional illiteracy kangrunaanna iti Tawi-Tawi no sadinno nga 67% ti populasion ket saan a functional literate.
Iti basic literacy, ditoy a marukud ti kabaelan nga agbasa ken agsurat, adda ti 5.8 a milyon ti saanna pay laeng a kabaelan daytoy.
Ti Bangsamoro Autonomous Region in Muslim Mindanao (BARMM) ti addaan ti kangatoan a bilang.
Inbatad ni Cerezo a nakitan ni Department of Education Secretary Sonny Angara dagiti datos idinto nga inlawlawag met ni Rosalina Villaneza ti Department of Education a maaddaanda ti reading assessments ken mangisuro ti reading teacher tapno masolbar ti problema.
