LAOAG CITY – Inbatad dagiti opisial a di kumurang a 18 nga indibidual ti natay ken 30 ti nadangran iti agsasaruno a panagbettak iti Nigeria’s northeastern Borno state.
Mainaig iti daytoy, maysa kadagiti suspek ti napasamaka a panagbomba ket naireport a nakatayan ti innem a tattao ken nakasugatan ti dadduma pay iti maysa a seremonia ti kasar.
Kinuna ti emergency management agency ti estado a dagiti maipagarup a suicide bombers ket rinautda ti maysa a kasar, pumpon ken ospital iti ili ti Gwoza.
Mainaig iti daytoy, ti Borno state ket sentro iti 15-year insurgency babaen iti Boko Haram Islamist militants, no sadinno a naiyakar iti nasurok a dua a milion a tattao ken nakatayan ti nasurok nga 40,000 nga indibidual.
Nagun-od ti Boko Haram ti international notoriety idi tawen 2014 idi na-kidnap ti sumurok 270 a schoolgirls iti ili ti Chibok, ken iti Borno state.
Kabayatanna, kinumpirmaran dagiti otoridad ti 18 a pimmusay a pakabuklan ti ubbing, natataengan ken masikog a babbai.
