LAOAG CITY – Nairekord ti 18 a baro nga aktibo a kaso ti COVID-19 idinto a maysa ti pimmusay gapu iti nasao a virus.
Iti datos ti gobyerno probinsyal, agpada a lima ti baro a kaso iti ili ti Sarrat ken ditoy siudad ti Laoag, uppat iti ili ti Bacarra, ken saggaysa iti ili ti Pagudpud, Pasuquin, Solsona, San Nicolas, ken Piddig.
Gapu iti daytoy, umaboten iti 428 ti aktibo a kaso ti COVID-19 idinto a nanayunan ti tallo dagiti nalaingan rason nga umabot met iti 2086 dagiti nagimbag.
Pimmusay ni IN-C2544, baket, agtawen ti 65, residente iti Brgy. 23 San Matias ditoy siudad, ti kaudian a kaso rason nga umaboten ti 30 dagiti natay.
