LAOAG CITY – Inbatad ti Health Ministry ti Lebanon nga umabot iti 500 a tattao ti natay kalpasan dagiti inpabanto nga strikes ti Israel.
Malaksid kadagiti natay ket adda pay ti nasurok a 700 a sabsabali a nasugatan iti insidente.
Inpetteng ti Israel nga ad-adda pay a paigetan da ti panagipabanto da ti strikes kontra iti Hezbollah isut gapuna a napatuludan ti mensahe dagiti residente iti southern Lebanon a pumanaw da kadagiti lugar nga us-usaren a paglemmengan ken pagkutaan ti Iran-backed group
Inawagan met ti Lebanese minister dagiti naipatulod a mensahe kadagiti residente kas “psychological war”.
Mainaig iti daytoy, inpalgak ti Israeli Defense Minister nga itultuloy da ti agipabanto ti strikes agingga a saan da a magun-od ti goal da tapno makaawid a natalged dagiti residente iti pagtaengan da.
