LAOAG CITY – Kinumpirmaran ni Police Major Joseph Tayaban, ti chief of police ti Philippine National Police iti ili ti Badoc nga umaboten iti 19 a miembro ti Criminal Gang ti naalukoy da a nallukoy dagitoy a tumulong para iti panangtalinaed ti linak, urnos ken talna iti ili da.
Segun kenni Tayaban, nagkari dagiti maseknan a saan dan a sublian ti dati nga aramid da ken tumulong da iti gobierno kangrunaan na iti kapulisan.
Kunana a kageddan iti isusuko ken panagkari dagitoy a tumulong ket naipayaan da ti mausar iti panagtalon kas iti abuno, bukbukel ken dadduma pay pakairamanan ti livelihood program kadagitoy.
Inlawlawag na a dagiti simmuko ket dati a naglemlemmeng gapo iti kaadda ti warrant of arrest kontra kadagitoy ngem gapo iti effort ti gobierno ken kapulisan ket napasuko da dagitoy.
Inbatad na a nautob dagitoy a napintas ti gagem da nangruna ket adda met ti suporta ti gobierno kadagitoy partikular itan a nawaya-wayaan dagitoy iti pagbaludan.
Mainaig iti daytoy, kuna ni Tayaban a sumagmamano pay kadagiti naallukoy da iti kallabes ket nagbalinen a Barangay Tanod ken Barangay officials.
Kabayatanna, naamoan a ti kaubingan kadagitoy ket agtawen ti 26 ken dagiti dadduma ket agtawen ti 30 agingga ti 40.
