LAOAG CITY – Kinumpirmaran ni Mr. Marcel Tabije, mangidadaulo iti Provincial Disaster Risk Reduction and Management Office a negatibo ti resulta iti rapid testing dagiti 19 a mangngalap a naggapu iti Bicol ken simmangbay iti ili ti Pagudpud.
Gapu ta nagnegatibo da iti rapid test, agtultuloy ti panangmonitor dagiti otoridad agraman dagiti doktor, ken pannakabagi ti Bureau of Qaurantine dagiti Bicolano.
Kuna ni Tabije a nagtalinaed dagiti maseknan iti nagluganan da a fishing vessel iti baybay a sakop ti Brgy. Balaoi iti nasao nga ili.
Inbatad na a ti maseknan a nang-hire kadagiti mangngalap ti mangipaay ti tulong kadakuada bayat nga agtalinaed da iti fishing vessel.
Agngudo met intono Hunyo 5 iti idadalan da iti quarantine protocol.
Maipalagip a simmangpet dagiti mangngalap idi Mayo 22 iti Brgy. Balaoi tapno agipan iti payao iti baybay.
