LAOAG CITY – Umabot iti 19 a Russian drones ti simrek iti airspace ti Poland iti nagpatnag kabayatan ti strikes iti western Ukraine.
Daytoy ti kinumpirmaran ni Poland Prime Minister Donald Tusk.
Segun ken ni Tusk, adda iti uppat a drones a napabagsak ti Polish ken NATO aircraft.
Gapu iti napasamak, nagballaag ni Prime Minister Tusk a dandanin lukatan ti Poland ti giyera sipud World War Two.
Mainaig iti daytoy, inpetteng ti Russian diplomat iti Poland nga awan ti nakastrek a drones iti Polish airspace kagiddan ti panangawag na kas “groundless” ti nasao a report.
Kabayatanna, inpalgak ni Ukrainian President Volodymys Zelensky a nasurok a walo a strike drones ti nairanta nga agturong iti Poland, nga inawagan na kas “extremely dangerous precedent” para iti Europa”.
