LAOAG CITY – Kinumpirmaran ni Dr. Renato Mateo iti City Health Office ditoy ciudad ti Laoag nga adda ti 19 a nagpositibo iti IgM rapid test iti Laoag International Airport.
Nupay kasta, inlawlawag na a rapid test laeng daytoy ken 40 a porsiento laeng ti accuracy na.
Mainaig iti daytoy, kuuna ni CAAP General Manager Mr. Ronald Estabillo a dagiti 19 a nagpositibo iti rapid test ket saan amin nga empleyado ti CAAP no diket adda pay iti sabali a departamento.
Inbatad na dagiti dimmalan iti rapid test ket dagiti nagduty idi Lunes, Hulyo 20 kas kadagiti agX-ray kadagiti bagahe, pulis, empleado ti PAL ken MacroAsia ngem dumalan da amin iti swab test.
Kunana nga adda ti naka-schedule a pannakaswab test dagiti 20 nga empleado intono bigat ken sumarsaruno dagiti dadduma.
Iti agdama ket nakaself isolate ken nakawork from home dagiti empleado ti LIA ken manamnama a malpas ti lockdown agingga intono Domingo, Hulyo 26 wenno intono addan ti resulta ti swab test dagitoy.
Kabayatanna, kinumpirmaran ni Estabillo a nakaloackdown iti Laoag International Airport sipod itay bigat ngem agtultuloy latta ti operasyon dagiti flights.
Kuna ni Estabillo a nakarikep dagiti business establishments a nakabase iti LIA ken dagiti offices kas preventive measure kalpasan a nagpositibo iti rapid test dagiti 19 nga empleado da.
Innayon na a matuloy ti naituding a commercial flight ti inbound ken outbound intono Lunes.
