LAOAG CITY – Umabot iti 19 nga indibidual dagiti nagaplikar ti permit na iti Bureau of Fire Protection tapno aglako ti paputok ditoy ciudad ti Laoag ita nga holiday season.
Daytoy ti inbatad ni Fire Senior Inspector Edison Reyes, ti firemarshall iti Bureau of Fire Protection ditoy ciudad ti Laoag.
Segun ken ni Reyes, dagiti nagaplikar ket isuda metlaeng dagiti dati nga aglaklako ditoy ciudad ti Laoag.
Innayon na nga awan pay dagiti namonitor da a nagsangpet a paputok a mailako ditoy ciudad.
Mainaig iti daytoy, inpetteng ni Reyes a masapol a mainspeksyon da nga umuna dagiti bodega a pakaipenpenan dagiti paputok a mailako ditoy ciudad isut gapuna a sakbay ti panagsangpet dagiti nasao a produkto ket ipakaammo nga umuna dagiti maseknan a negosyante iti opisina da.
Nagballaag ni Reyes a siasinno man a negosyante nga aglabsing iti daytoy ket mapatawan ti pannusa.
