LAOAG CITY – Umaboten iti 1,955 a barangay ti naestablisar ti Mines and Geosciences Bureau (MGB) kas prone iti landslide ken layos, kalpasan ti iduduprak ti severe tropical storm ‘Kristine’.
Basar iti Mines and Geosciences Bureau, ti probinsya ti Cagayan ti kaadoan ti prone iti landslide ken panaglayos, no sadinno a nakarekord daytoy ti 802 a barangay.
Sumaruno dagiti probinsya iti Batanes, Isabela, Negros Oriental, Apayao, Kalinga, Ilocos, Occidental Mindoro, Palawan, Aklan, Antique, Iloilo, ken Negros Occidental.
Inlawlawag ti Mines and Geosciences Bureau a dagiti barangay a prone iti landslide ken panaglayos ket basar iti 100-millimeter (GSM) ken 150 mm Weather Research and Forecasting model (WRF) rainfall threshold values.
Kabayatanna, binalakadan ti mining company ti publiko nga agmonitor kadagiti lugar da a makapaspasar kadagiti panagreggaay ti daga a mabalin a mapasamak kalpasan ti dua agingga ti tallo nga aldaw nga agsasaruno ti panagtudo na.
Inrekomendar ti Mines and Geosciences Bureau kadagiti apektado a barangay a mangiyuswat ti preemptive evacuation protocols para kadagiti residente iti lugar no kumaro ti sitwasyon.
