LAOAG CITY – Ballaigi ti naisayangkat a kaunaan a fun run ti Kapisanan ng mga Broadcaster ng Pilipinas (KBP) Ilocos Norte Chpater a naisayangkat itay parbangon.
Segun ken ni Mrs. Cely Calonje Paz, Presidente ti KBP, nagpartisiparan daytoy dagiti nasurok a 500 a partisipantes manipud kadagiti lima nga AM Radio Station a pakaibilangan ti Bombo Radyo Laoag, lima nga FM Radio Station ken maysa a TV Station.
Malaksid kadagiti kameng na a nagpartisipar iti fun run ket adda da payadagiti sabsaabli a grupo ken indibidwal.
Nagbalin a partner ti KBP iti nasao nga addang ti PNP, Laoag City Gov’t. Prov’l Gov’t. Ken Non Gov’t Organizations (NGO).
Kuna ni Paz nga adda dagiti nagtaray iti 10 kilometer, 5 kilometer ken 3 kilometer.
Inlawlawag na a ti nasao a fun run ket gagem na iti makaukkon ti pundo nga usaren ti grupo kadagiti nagduduma nga aktibidad na kas iti feeding program, gift giving, broadcastreeing ken dadduma pay.
Nagyaman ni Paz kadagiti nagatendar iti nasao a fun run gapu ta no awan da ket saan a nagballaigi daytoy.
