LAOAG CITY – Umaboten iti 2.6 milyon a pisos ti balor dagiti nadadael iti benneg ti agrikultura ditoy probinsya gapo iti iduduprak ti Supertyphoon Nando.
Segun kenni Gov. Cecilia Araneta-Marcos, iti agdama ket manarimaan pay laeng ti panagukkon da iti reports manipud kadagiti nagduduma nga ili ken ciudad iti probinsya.
Inbatad na a daytoy ti rason no apay a saan da pay nga ikonsiderar ti pannakaideklara ti state of calamity ti Ilocos Norte gapo iti bagyo.
Mainaig iti daytoy, umaboten iti 1,797 nga indibidual wenno 672 a pamilya manipud kadagiti 41 a barangay ti naapektaran ken naipaayan metten dagitoy kadagiti food packs, sleeping kits, hygiene kits ken bitamina.
Inpasigurado met ti gobernador nga agtultuloy ti panangtulong dagiti lokal a gobierno ken gobierno probinsya kadagiti pamilya nga adda iti evacuation center.
