LAOAG CITY – Naarestar ti maysa a mangisursuro iti Brgy 16, Rizal St., ditoy ciudad ti Laoag gapu iti kaso nga estafa.
Nabigbig daytoy a ni Shirley Pamplona y Labuguen, agtawen ti 47, naasawaan, ken residente iti Brgy 51-A, Nangalisan ditoy ciudad.
Daytoy ket babaen ti warrant of arrest nga inparuk-at ni Hon. Judge Charles Javier M Calapini iti MTC San Nicolas.
Kabayatanna, naarestar ti maysa a babai iti Brgy 2, Giron St. ditoy ciudad ti Laoag gapu iti kaso nga estafa.
Nabigbig daytoy a ni Ma. Carmen Alvares y Quianzon, 49, awanan asawa ken residente iti nasao a barangay.
Daytoy ket babaen iti warrant of arrest nga inparuk-at ni Hon. Judge Jonathan A Asuncion of MTCC Branch 2, Laoag.
Agpada a nairekomendar iti 20 ribo a pisos para iti temporaryo a pannakawaya-waya da.
