LAOAG CITY – Natay ti dua a bumbero iti pammaltog kabayatan ti panagrespondeda iti nauram a kabanbantayan idiay Idaho, United States of America.
Basar iti Kootenai County Sheriff’s Office a ni Robert Norris a posible nga adda ti maysa nga indibidual a nangpaltog kadagiti bumbero nga addaan ti nangato a klase ti paltog iti asideg iti siudad ti Coeur d’Alene.
Inbatadna a naballaagan dagiti residente nga asideg iti Canfield Mountain gapu kadagiti bala ti paltog nga aggapu kadagiti nagduduma a direksion.
Mainaig iti daytoy, kuna ni Federal Bureau of Investigation Deputy Director Dan Bongino, dagiti nasao a bumbero ket napan nagresponde tapno mangipaay ti tactical ken operational support.
Basar iti imbestigasion dagiti otoridad, mabalin a saan a bumaba iti uppat nga indibidual iti adda iti likudan ti nasao nga insidente nga adda iti agarup 6.5 a kilometro iti north of central Coeur d’Alene.
Naammoan a dagiti suspek ket awan ti pakalasinan a kalikagumda a sumuko.
Kabayatanna, nangipatulod ti abiso ti Kootenai County Emergency Management Office a mangkidkiddaw kadagiti residente a liklikan ti lugar iti paset ti Canfield Mountain Trailhead ken Nettleton Gulch Road para iti agtultuloy nga imbestigasion.
