LAOAG CITY – Nasugsugatan dagiti tallo a menor de edad ken maysa nga inhinyero iti napasamak a desgrasya iti paset ti Apayao road iti Brgy. Madamba iti ili ti Dingras.
Nabigbig dagiti biktima ada Edmarc Tuliao, Charlene Garcia, ken Jackielyn Coloma, agpapada nga agtawen iti sangapulo ket lima ken agpapada a residente iti ili ti Marcos ken ti inhinyero ket ni Engr. Godwin Scott de Belen residente iti Brgy. Catangraran iti Solsona.
Basar iti inbestigasyon dagiti kameng ti PNP Dingras aggapu dagiti menor ti edad iti Madamba street, naglulubbon iti Rusi motorcycle nga awanan iti plaka ken inturong ni Tulioa ket rumrumwar a bigla a limmasat da iti Apayao road a nagpaabagatan.
Dita a maipagarup a nadungpar ni Engr. de Belen dagiti menor de edad kabayatan nga agpalpalaud met a direction uggor na ti Yamaha Sniper motorcycle.
Kas resulta, agpapada a nagsagaba ti sugat kadagiti nagduduma a paset ti bagi dagiti biktima rason a naitaray dagitoy iti Rural Health Unit iti nasao nga ili.
