LAOAG CITY – Dumanon iti dua a milyon nga ubbing ditoy Pilipinas ti nakaro a makapaspasar ti panagbisin, maibasar iti report ti United Nations Children’s Fund (UNICEF).
Basar iti United Nations Children’s Fund, uppat iti lima nga ubbing ket mangmangan laeng ti gatas iti ina ken dagiti kangrunaan a taraon kas ti bagas, mais wenno trigo idinto nga awan pay iti 10% kadagiti ubbing ti mangmangan ti prutas ken nateng.
Kabayatanna, awan pay iti 5% kadagiti ubbing ti mangmangan kadagiti nasustansia kas dagiti itlog, ikan, manok wenno karne.
Ti eight food group ket pakairamanan dagiti breastmilk, grains and roots, pulses and nuts, dairy products, meat, manok ken ikan, itlog, dagiti prutas a siksik iti Vitamin A, nateng ken prutas.
Nagpanawagan ti United Nations Children’s Fund kadagiti sistema ti proteksion tapno solbaren ti kinarigat iti panagbiag.
