LAOAG CITY – Nauram ti dua a pagtaengan iti Barangay Balaoi iti ili ti Pagudpud.
Segun ken ni Senior Fire Officer 4 Keith Howell Cuepo ti Bureau of Fire Protection iti nasao nga ili, ti maysa a pagtaengan ket totally damaged idinto a ti maysa a balay ket partially damaged.
Inbatadna nga alisto a nagramram ti apoy gapu ta naaramid laeng iti light materials dagiti nasao a pagtaengan.
Kunana nga apaman a nakaawatda ti tawag maipanggep iti insidente ket insigida dagitoy a napan nagresponde.
Inlawlawagna a ti maysa a pagtaengan ket naminpinsan a dimmapo idinto a ti maysa a balay ket nairamraman laeng iti insidente.
Innayonna nga iti agdama ket manarimaan pay laeng ti panangiwayat ti naun-uneg nga imbestigasion dagiti otoridad iti napasamak nga uram.
