LAOAG CITY – Kinumpirmaran ni Mrs. Mercy Roldan Bayudan, domestic helper iti Kuwait ken tubo iti Brgy. Elizabeth iti ili ti Marcos nga adda ti dua a Filipina ti nagpositibo ti coronavirus.
Daytoy ket kalpasan a naamuan na kadagiti pada na nga OFWs iti nasao a pagilian idi kalman.
Segun kenni Bayudan, agtrabtrabaho dagiti OFWs idiay Hawali, Kuwait ken tubo da iti Cebu ken Iloilo.
Kuna na nga adu met a residente iti Kuwait dagiti nalaingan agraman dagiti sumagmamano a Pilipino manipud ti pannakaapektar da ti coronavirus.
Mainaig iti daytoy, nasayaat kenkuana dagiti amo na ken agtultuloy met ti panagtrabaho na.
Innayon na a naiget ti panangipatungpal dagiti otoridad kadagiti alagaden gapu ta arig a rinabii a makatiliw da ti Indian gapu ti panagsalungasing da kadagiti paglintegan.
