LAOAG CITY – Namnamaen ti Philippine Atmospheric, Geophysical and Astronomical Services Administration (PAGASA) a dua agingga uppat a bagyo ti posible a mabukel wenno sumrek iti Philippine Area of Responsibility (PAR) inton bulan ti Oktubre basar iti state weather bureau.
Basar iti weather bureau, agbalin a naannayas ti panawen ita iti dakkel a paset ti pagilian gapu iti easterlies wenno angin nga aggapu iti Pacific Ocean.
Manamnama met ti apagapaman a panagtudo ken panagkimat iti malem ken rabii iti paset ti Eastern Visayas, Caraga ken Bicol Region.
Maapektaran ti Habagat ti offshore Palawan partikular iti Kalayaan Group of Islands.
Agtultuloy a mabalbalakadan ti publiko nga agbalin nga alerto ken kitaen ti weather advisory.
