LAOAG CITY – Maysa a contortionist ken hula hoop performer ti nakairekord ti world record kalpasan ti “human belt” hula hoop performance-da.
Kinumpirmaran ti records keeping organization a Guinness World Records nga isuda Liberty Barros ken Mariam Olayiwola ti baro a record holder ti titulo a “Most Double Arm Hula Hoop Rotations with a Human Belt in 30 seconds (team of two).”
Daytoy ket kalpasan a binungon ti contortionist a ni Liberty ti bagina iti siket ni Mariam nga arig belt kabayatan nga agpappapuligos ti hula hoop ni Mariam iti agsinnungbangir a takiag iti 79 a daras.
Malaksid iti nasao a world record, nangisayangkat pay ti maysa pay a world record attempt ni Liberty tapno magun-od ti titulo a “Most Splits in One Minute.” Balligi a naipaima kenkuana ti titulo daytoy kalpasan a nakapag-split ti 42 a daras iti uneg ti maysa a minuto.
