LAOAG CITY – Nagepekto idi kalman ti suspension order manipud iti Office of the Ombudsman kontra ti dua nga department head ti munisipyo iti ili ti Solsona.
Daytoy ti kinumpirmaran ni Mayor Alex Calucag, iti nasao nga ili.
Binigbig ni Calucag dagiti masuspenso ita nga aldaw a da Divina Domingo, municipal accountant kenni Dr. Ruth de Lara, municipal health officer.
Agpaot ti innem a bulan ti suspension da Domingoo kenni Dr. de Lara.
Mainaig iti daytoy, adda met ti pammilin nga agbayad da dati nga administrator Dr. Berta Luz de Lara kenni dati a Sangguniang Bayan Member Gerald Ganotisi iti kaibatugan ti sweldo da nga innem a bulan iti kallabes.
Innayon ni Calucag a da dati nga administrador kenni Ganotisi ti makaammo a mangidanun ti bayadan da iti Ombudsman.
