LAOAG CITY – Natiliw ti dua a menor de edad ken innem a babbai iti naiwayat nga anti-illegal gambling operation kadagiti dua a brangay iti ili ti Pasuquin, Ilocos Norte.
Immuna a natiliw dagiti dua a menor de edad nga agkolkolekta ti taya para iti Drop Ball Game iti Brgy. Caarusipan iti nasao nga ili.
Dagiti menor de edad ket agtawen ti 16 a residente ti Brgy Sta Cruz, Sinat Ilocos Sur ken ti agtawen ti 17 a residente ti Brgy Pug-os, Cabugao iti nasao a probinsya.
Naala ti drop ball game ken nasaurok a walo gasot a pisos a taya.
Kabayatanna, natiliw met dagiti innem a babbai nga agsusugal usar ti baraha iti Bgry. Davila iti ili ti Pasuquin.
Nakumpiskar kadakuada ti dua a deck ti baraha ken ti pusta a nasurok a maysa a ribo a pisos.
Naamoan dagitoy a da Marites Baay, Anita Baay, Amelita Pascua, Angie Ramos, Nelda Cacal kenni Jeda Calpito, agpapada a nataengen.
Nagtalinaed dagiti dua a menor de edad iti opisina ti CIDG idinto a dagiti innem a babbai ket adda iti kustodiyar ti otoridad.
