LAOAG CITY – Natay ti dua a menor de edad kalpasan a nadungpar ti nagluganan da kurong-kurong babaen ti maysa nga SUV iti Airport Avenue Brgy. Bengcag ditoy siudad ti Laoag.
Nabigbig ti driver ti SUV a ni Lean Mau Agustin, agtawen ti 18, addaan ti student driver license ken residente ti Brgy 17 ditoy siudad ti Laoag.
Nabigbig met dagiti biktima da John Terso Domingo agtawen ti 17, Jaylord Gagarin agtawen ti 15, agpada a residente ti Brgy Bencag.
Insegida a naitaray dagiti dua iti Laoag City General Hospital ngem naideklara a dead on arrival.
Segun kenni PO1 Bradley Villanueva, agpadaya ti SUV idi ta kellaat a nakadinnungpar na ti kurongkurong a nagluganan dagiti biktima.
Ituloy pay laeng iti daytoy nga aldaw ti imbestigasyon dagiti otoridad mainaig ti napsamak.
