LAOAG CITY – Nasugatan ti dua nga agad-adal kalpasan ti pammaltog iti uneg ti Evergreen High School idiay Evergreen, Colorado.
Naitaray iti ospital dagiti nasugatan a biktima idinto a nangipatungpal ti lockdown iti pagadalan.
Agarup 100 ti kapulisan ti nagresponde ken naiget a sinaggaysada dagiti classroom tapno biruken ti suspek.
Daytoyen ti maika-47 a pammaltog iti uneg ti pagadalan ti Estados Unidos ita a tawen no sadinno a 24 ditoy ket iti kolehio idinto a 23 iti K-12 school grounds.
Naammoan a naitaray met iti ospital ti saan pay a nabigbig a suspek ngem naideklarar a pimmusay.
Am-ammoen dagiti otoridad ti motibo ti suspek iti napasamak nga insidente.
