LAOAG CITY – Nagballigi dagiti kameng ti Provincial Police Drug Enforcement Unit a nangarestar iti dua nga indibidual iti naisayangkat a drug buy-bust operation iti ili ti Badoc.
Nabigbig dagiti suspek nga agtawen 39, lalaki, awanan ti asawa, unemployed ken residente ti Brgy. Napu iti ili ti Badoc ken ti agtawen ti 23, babai, awanan ti asawa, unemployed ken residente iti Brgy. Darat iti ili ti Pinili.
Naarestar dagiti suspek kalpasan a maipagarup a naglako da ti maysa nga heat sealed transparent plastic sachet a naglaon ti maatap a shabu iti maysa a pulis a nagpammarang kas poseur-buyer.
Malaksid iti daytoy, nakumpiskar pay manipud kadagiti suspek ti lima nga heat-sealed transparent plastic sachet a naglaon iti maatap a shabu nga agdagsen iti 2 a gramo ken agbalor dagitoy iti P13, 600.
Nakumpiskar pay manipod kadagiti suspek ti maysa nga homemade cal. 22 submission pistol nga addaan ti 10 a bala, P6000 a boodle money, drug paraphernalia ken dadduma pay.
Naamoan a dagiti suspek ket agpada a maibilang kas street level indibidual.
