LAOAG CITY – Natay ti dua nga Indonesian United Nations Peacekeepers idiay southern Lebanon.
Basar iti United Nations Interim Force in Lebanon (Unifil) nakalugan dagitoy iti lugan idi a kellaat nga adda ti napigsa a panagbettak.
Nasugatan ti dua a kaduada ken insigida a naitaray iti ospital para iti pannakatamingda.
Kunana nga addan ti dua nga insidente a napasamak iti uneg ti 24 nga oras.
Maipalagip nga idi rabii ti Domingo ket maysa nga Indonesian peacekeeper ti natay kalpasan a timmama ti maysa a missile iti ayan daytoy iti Adchit Al Qusayr idiay southern Lebanon.
Mangiwayat ti imbestigasion ti United Nations Interim Force in Lebanon mainaig iti nasao nga insidente.
