LAOAG CITY – Nakaawat ti flash alarm ti PNP Laoag manipod iti higher office nga adda iti naglibas a pasyente a COVID-19 positive iti Philippine General Hospital (PGH) idiay Metro Manila a nagturong ditoy Norte.
Segun kenni P/Lt. Col. Amador Quiocho, Chief of Police iti PNP Laoag, nasalamaan ti maysa a Totoya Innova nga agmaris ti gray nga addaan ti plate number a NER 831 iti Community Quarantine Checkpoint iti Brgy. Sinsayon, Santiago City.
Nabigbig iti nangiturong ti lugan a ni Rolando A. Cabilitizan, resident idiay Manila ken dagiti pasahero na a 2 nga OFW a naggapo idiay HONG KONG nga agturong idiay Cauayan City a da Judith S. Inggani, residente iti Cauayan City, Isabela ken ni Rufina P. Cabaron, residente iti Gamu, Isabela.
Inlawlawag ni Quiocho a saan a nagna ditoy Ilocos Norte dagitoy ken nudiket posible nga idiay Nueva Ecija iti nagnaan da ken simmalpot da iti Nueva Viscaya.
Kunana a posible a naladaw a naawat dagiti agbanbantay ti checkpoint iti impormasyon rason nga iti Isabela da laengen a natiliwan dagitoy.
Inbatad pay ti opisyal a ginandat dagitoy nga aglibas iti checkpoint gapu ta posible a saan da a kayat iti maiquarantine iti Manila iti 14 nga aldaw.
Dagus met a nawaya-wayaan dagitoy kalpasan a nagnegatibo da iti COVID-19.
Kabayatanna, nagpanawagan ti Hepe iti publiko a saan a rumrumuar ken agtalinaed laeng iti pagtaengan tapno maliklikan iti panagwaras ti virus.
