LAOAG CITY – Nakagun-od ti world record ti dua a content creator iti YouTube kalpasan a nakaaramid dagitoy ti higante nga smartphone.
Kinumpirmaran ti Guinness World Records nga isuda Arun Maini ken Matthew Perks ti baro a record holder ti titulo a “Largest Smartphone Replica” kalpasan a nakabukelda ti replica ti iPhone 15 Pro Max nga adda ti kangatona a dua a metro.
Tapno bigbigen ti Guinness ti nasao a replica ket masapol a fully functional daytoy.
Nasken nga alisto nga i-scroll ti touch screen daytoy, rumbeng nga adda ti kabaelanna a tumawag, ag-text ken email, nasken nga agop-operar amin dagiti apps a naka-install ditoy ken nasken nga addaan ti camera with flash ken charging port.
Naammoan nga amin a criteria ket naaramid ti smartphone da Maini ken Perks isu a dagusda a napadayawan ti certificate ti adjudicator ti Guinness World Record.
