LAOAG CITY – Dagus nga inwayatan dagiti pannakabagi ti Department of Public Works and Highways ti umuna a distrito ti probinsya ti nagaburan a paset ti national higway iti Brgy Balaoi ken asideg ti Paraiso ni Anton iti ili a Pagudpud.
Daytoy ti inbatad ni Engr. Nestor Passion, iti 1st engineering district ti DPWH.
Kuna na a ti makagapu ket ti awan sarday na a panagtudo ditoy probinsya kangrunaan iti nasao nga ili.
Inbatad ni Passion nga awan met ti nadadael iti kalsada ngem ketdi clearing operation laeng ti inwayat da kadua da ti maysa a pribado a kontraktor tapno malukatan ti half lane ti kalsada.
Mainaig iti daytoy, temporaryo a nastranded dagiti motorista a dumal-dalyasat iti nasao a lugar.
