LAOAG CITY – Natay ti dua a tattao ken nasugsugatan ti 6 a sabsabali pay iti nakam-ames a disgrasya a napasamak iti national highway paset ti Bgy. 30 cadaratan iti ili a Bacarra.
Nabigbig dagiti pimmusay a naideklara a dead on arival iti hospital a da Tristan Lorenzo, agtawen ti 35, awanan ti asawa, balikbayan manipud isla ti Hawaii ken residente iti Bgy. Subec iti ili a Pagupud nga agkasar pay inton bigat ken ni Christian Philip Agravante, agtawen ti 32 awanan asawa, maysa a mekaniko ken residente iti Bgy. 1 iti nasao met la nga ili.
Segun ken ni SPO1 Daniel Simeon, Hepe ti Traffick Div. Ti PNP-Bacarra, manarimaan nga agpapaabagatan a direskiyon ti lugan a maysa a Toyota Hice Ace van nga addaan iti plaka a PSQ 814 nga inturong ni Ryan Martinez, agtawen ti 31, awanan ti asawa ken residente iti Bgy. Ligaya iti nasao met lang ili idi maaksidente dagitoy.
Kuna ni Simeon a malaksid ken ni martinez a nasugsugatan ket nakalugaan pay iti nasao a van da Aristotole Riveral, agtawen ti 21, Jhumer Cristobal, agtawen ti 24, maysa a constraction worker, Whylly Portillo, agtawen ti 18 awanan asawa , Aervelle Clyde Pascua , agtawen ti 23 ken Aerolle Khave Pascua, agtawen ti 22 agpapada dagitoy nga awanan asawa ken residente iti Bgy. 1 iti nasao met la nga ili.
Insigida met a naitaray dagiti biktima iti hospital para iti pannakapaagas da.
Segun pay ken ni Simeon, posible a nataray ti lugan gapu ti impact ti disgrasya ken mabalin a na-lost control ti manibela a nangitunda iti pannakadungpar ti poste ti welcome arc kalpasan a natennag iti igid ti kalsada rason a nakaro ti pannakadadael na.
Rumrumwar pay nga adda ti impluwensiya ti nasanger dagiti biktima maibasar iti angot da.
