LAOAG CITY – Umabot ti 20 a bala ti caliber 22 a paltog ti naala dagiti otoridad iti naiyuswat a search warrant operation iti Barangay 21, San Agustin iti ili ti San Nicolas.
Binigbig ni Police Lt. Godofredo Ribuyaco, ti deputy chief of police ti PNP-San Nicolas ti subject a ni Kezim Acosta y Valdez, agtawen 30, Animal Technician, addaan Live in Partner ken residente iti nadakamat a barangay.
Segun kenni Ribuyaco, nakalanad iti search warrant a ti biruken dagiti otoridad ket maysa nga unit ti caliber 22 revolver ken balbala ti nasao a paltog.
Ti search warrant ket inyetnag ni Judge Nida Alejandro iti RTC Branch 12 ditoy ciudad ti Laoag.
Inbatad ni Ribuyaco a dagiti balbala ket naikabil iti karton ti posporo ken nakita iti kwarto ni Acosta.
Naamoan a ni Acosta ket adda ti dati a kaso na idi Oktubre 2018 seknan iti panaglabsing iti Comelec gunban ngem naka-probation.
