LAOAG CITY – Makapaikkat ti stress ti 20 a minuto a panagpagna iti baybay, parke ken aglawlaw.
Basar iti panagsukisok, agbalbalin a naragsak ken refresh ti maysa a tao kalpasan iti nature trip gapu ta saan laeng a makakita ti baro a napintas a buya no di ket nasayaat pay para iti salun-at.
Malaksid iti aglawlaw ket napintas pay para iti mental health, mas epektibo daytoy no tumakder iti igid ti baybay ken buyaen ti dalluyon a mangipaay ti nasayaat a tayyek iti panunot.
Ti aglawlaw ket makaikkat ti stress ken anxiety gapu ta adda ti kabaelanna a paulimiken ti bagi ken kararua.
Maibasar iti panagadal dagiti Psychologist, ti 20 a minuto a panagtalinaed iti aglawlaw ket makairuar ti cortisol levels, ti hormone a responsible iti stress.
