LAOAG CITY – Ngumato ti 20% ti sueldo ti entry-level nurse iti uneg ti uppat a tawen, maibasar ken ni Quezon City Rep. Marvin Rillo.
Inbatad ni Rillo ti basic pay ti entry-level nurse kadagiti ospital ti Department of Health (DOH) ket ngumato ti average a 4.8% iti kada tawen ken agbalin a P44,148 iti kada bulan inton Enero 1, 2027.
Ti pannakaipangato ket kas resulta ti Executive Order No. 64 nga inaprobaran ni Presidente Ferdinand “Bongbong” Marcos Jr. a mangipangato iti sueldo kadagiti empleado ti gobyerno.
