LAOAG CITY – Inbatad ni Atty. Julius Balbas, ti Commission on Elections Officer ditoy ciudad ti Laoag a 20 a porsiento paylaeng kadagupan iti 80 a barangay ditoy ciudad ti nakaipilan ti Certificate of Candidacy na.
Segun kenni Atty. Balbas, it paylaeng Brgy. 14 ken Brgy. Vira ditoy ciudad ti nakakompleto.
Mangnamnama ni Balbas nga iti maikadwa nga aldaw ti panagpilaan ti kandidatura ket ad-adon dagiti mapan agpila.
Nagpanawagan ni Balbas kadagiti adda ti plano na nga agkandidato iti Barangay ken Sang Kabataang Elections a saan da koman nga iyuray ti maudi nga aldaw ti panagpilaan ti Certificate of Candidacy.
Innayon na a dakkel a karit kadakuada ti kinaado dagiti barangay ditoy ciudad kangrunaan na ket kasapulan paylaeng nga iberipikar da ti background dagiti agpila ti Certificate of Candidacy sakbay nga agpirma da ti form.
