LAOAG CITY – Umabot iti 20 a tattao ti natay kalpasan a nagbaliktad ti uppat a truck a nagkarga kadagiti tulong partikular ti taraon iti ayan dagiti naruay a tattao iti Central Gaza.
Malaksid kadagiti natay ket adda pay ti nasurok a 30 a sabsabali dagiti nasugatan iti insidente.
Basar iti report, nagtataray a napan kimmalay-at dagiti naruay a tattao iti ayan dagiti truck a nangitunda ti pannakapukaw iti kontrol dagiti driver.
Kabayatanna, inbatad ni Civil Defence Agency Spokesman Mahmoud Basal, ti lugar ket kontrolado ti Israeli military, ken dagiti kalsada ket narangkis ken napeggad.
